Gipasabot ni Engr. Oscar Tabada, kanhi meteorologist, nga ang Intertropical Convergence Zone (ITCZ) o ang pag-abot ug pagsugat sa hangin gikan sa amihan ug habagat ang pangunang sistema sa panahon nga nagdala sa kanunay nga pag-ulan.
Sumala pa ni Engr. Tabada, normal lang ang pag-ulan apan naghatag kini og pagbaha tungod sa mga problema sa kalikopan sama sa kakulang sa mga kakahoyan, ingon man ang mga guba o kakulangan nga drainage system, ug bisan gamay lang nga pag-ulan, dali na nga mosaka ang tubig-baha.
Dugang sa ekspeto nga basi sa datos gikan sa PAGASA, sukad sa petsa uno hangtod sa kasamtangang petsa niining bulana, anaa na sa 56 millimeter ang kabukiran o kantidad sa total rainfall, nunot kini sa gilauman nga average nga pag-uwan sa tibuok Oktubre nga 207 millimeter.
Gipalapdan usab niini ang pagpasabot alang sa umaabot nga El Niño, diin posible gihapon nga magdala og hulga ang mga bagyo sa nasod, partikular na sa Sugbo ug sa tibuok Kabisay-an.
Matud ni Engr. Tabada, adunay mga higayon sa nag-unang mga tuig sa El Niño nga dunay mga bagyo nga moagi sa amihanang bahin sa Samar ug sa uban pang mga dapit sa rehiyon sa dili pa o human sa maong feno-meno.
Gitugyan usab niya nga karong Nobiyembre ug Disyembre kasagaran moduyog ang agianan sa bagyo sa Kabisay-an, hinungdan nga kinahanglan nga magpabiling alerto ug magmatngon ang tanan.
Giawhag usab niya ang publiko nga kanunay nga maminaw sa mga opisyal nga pahayag ug weather report gikan sa PAGASA aron makaandam batok sa mga ma-develop nga mga bagyo o unos samtang nagpadayon ang panahon sa El Niño sa Pilipinas.
