Gibantogan nga ‘Unbothered Queen’ si Ivana Alawi human sa iyang Cleopatra challenge diin mipakita sa iyang kaanyag sa bag-o nga makeup skit nga nahimo siyang iconic Queen of Egypt.
Gani, sulod lang sa pipila ka minutos gikan sa pag-upload niini nakakuha dayon kini og milyon-milyong react ug views.
Mao kini ang nakuhang tubag sa mga netizens human nadawit ang iyang pangalan sa kontrobersyal nga ‘kabit’ issue.
Kahinumduman nga nalambigit kini sa reklamo ni Nikki Benitez batok sa iyang bana nga si Bacolod City Mayor Albee Benitez, diin basi sa sworn affidavit, si Ivana ug ang mayor giingong adunay relasyon, apan hugot kini nga gihimakak ni Mayor Albee ug niingon nga walay kamatuoran ang maong akusasyon.
Ug tungod kay walay komento ang aktres, midaghan dayon ang engagements sa iyang post.
