Ivana Alawi, giklaro ang pag-apod-apod og tabang taliwala sa baha

Giklaro sa aktres nga si Ivana Alawi ang iyang pag-apod-apod og relief goods ngadto sa mga apektado sa baha, human siya gisaway tungod sa paghatag og tabang samtang anaa sa baha.

Matod ni Alawi, natunong lamang nga naguba ang ilang trak nga nagdala sa mga relief goods samtang padulong sila sa ilang destinasyon.

Tungod kay adunay mga tawo nga miduol ug nangayo og tabang, wala na nila kini mapugngan ug nakahukom sila nga iapod-apod na lamang ang mga relief goods ngadto sa mga nanginahanglan.

Matod pa niya, balik-balik sila sa lugar diin giparking ang trak aron kuhaon ug dad-on ang mga relief goods ngadto sa laing lugar.

Nanawagan si Alawi sa publiko nga sabton ug tan-awon pag-ayo ang tibuok sitwasyon sa dili pa mohukom o maghimo og konklusyon.