Cebu City- Naa sa state of schock ug dili pa makastorya og tarong ang usa ka jail officer sa Bureau of Jail Management and Penology (BJMP) Region 7 human kini banhigi sa wala pa matino nga mamumuno nga sakay sa usa ka motorsiklo sa R. Duterte Street corner V. Rama Avenue, Barangay Guadalupe, Cebu City .
Basi sa imbestigasyon sa Homecide section sa Cebu City Police Office nga padulong na unta sa iyang opisina sa BJMP regional Office ang biktima nga si Jail Inspector Edwin Sarcon sakay sa iyang sakyanan nga adunay plate number nga AEC6613 sa dihang gipusil kini sa gibana-bana nga 3 ka suspect nga nagsakay sa motorsiklo.
Matud ni SPO1 Winston Ybanez nga samtang nagpabuto ang mga suspect dali nga mikanaog sa iyang sakyanan ang biktima og mitago sa dool nga tindahan ug sa dihang nasiguro na niining nakalayo na ang mga suspect ayha pa kini nga midagan padulong sa ilang opisina nga dool ra usab sa nahitabo-an.
Naka-angkon og tapsing nga igo sa iyang tangkugo si Inspector Sarcon. Samtang napagan usab sa insidente ang usa ka motorista nga si Francisco Taniza Jr. kung diin naka-angkon usab kini og igo sa wala niini ng tiil. Narecover sa crime scene ang 7 ka empty shell sa 9mm ug 45 caliber pistol.
Sa pakighinabi sa Bombo Radyo kang Jail Chief Supt. Arnold Buenacosa, ang regional director sa BJMP 7, gikompirmar niini nga 3 palang ka semana gikan nga na-relieve sa pwesto isip deputy warden sa Talisay City Jail si Inspectopr Sarcon tungod sa gipatuman nila nga reshuffling.
Matud niini nga posibleng personal nga kasuko o kalabot sa iyang trabaho ang posibleng motibo sa krimen.
