Natuki pagbalik ang January 6, 2021 US Capitol attack sa komprontasyon tali ni US VP Kamala Harris ug kanhi US Presidente Donald Trump.
Sa tunga-tunga sa debate, gipangutana si Trump kung nagbasol ba siya bahin sa rally nga misangpot sa makasaysayanon nga pag-atake sa Enero 6, 2021, pipila lang ka adlaw sa wala pa ang opisyal nga pagbiya ni Trump sa katungdanan.
Ug gitubag kini sa kanhi nga dili siya sad-an sa naasoy nga pag-atake.
Bisan kung giawhag niya ang iyang mga tagasuporta nga isalikway ang mga resulta sa eleksyon, apan, wala kini gidasig sa kanhi nga mahimong bayolente.
Inay nga direktang tubagon ang pangutana, gituki niini ang ubang mga isyu sama sa mga iligal nga imigrante ug mga kriminal nga ang kasamtangang administrasyon dili makatubag.
Ingon man nga gipahimuslan ni VP Harris ang maong hilisgutan aron itumbok si Trump isip usa ka kandidato nga mibarog ug nagsuporta sa mga bayolenteng panghitabo.
Matod ni Harris, kinsa kasamtangang senador niadtong higayona, nga anaa kini sa US Capitol sa dihang nahitabo ng insidente ug nasayod kung giunsa pagsulod sa mga supporter ni Trump ang Capitol.
Giinsister ni Harris, nahitabo kini nga may pagtugot ni Trump kinsa mao pa ang kasamtangang presidente niadtong panahona.
Gani, mao kadto ang hinungdan sa ikaduhang impeachment ni Trump, bisan kung adunay usa ka semana na lang ang nahabilin sa iyang termino.
