Nidaog ang Pinoy MMA fighter nga si Jhanlo Mark Sangiao pinaagi sa submission batok sa Mongolian striker nga si Shinechagtga Zoltsetseg.
Nahuman ni Sangiao ang away sa tunga-tunga sa round 3 gamit ang rear naked choke. Human sa pipila ka segundos sa maong posisyon, ang kontra nga Mongolian sa kataposan, ni-tap out.
Ang Pinoy fighter kay agresibo sa sinugdanan ug nipagawas og daghang kombinasyon, lakip na ang pagtaktak gamit ang armbar.
Apan, nakabawi usab si Zoltsetseg sa second round pero wala kini mo lungtad sa hinapos nga bahin sa away kay natumba na usab siya sa maayong striking power ni Sangiao.
Ang garbo sa Pinoy wala motugot nga makalingkawas ang iyang kontra sa ikatulong hugna, gamit ang epektibong takedown sa round 3.
Ang 23-anyos nga Pinoy fighter bag-o lang gikan sa kapildihan batok sa Mongolian nga si Enkh-Ordil Baatarkhuu.
Sa iyang maayong performance, gipaabot nga makigtigi siya batok sa ubang bantugang mga manggugubat sa One Championship sa umaabot nga mga duwa.|Bombo Irene Ardiente
