Gihigon-higon karon online ang buhay pag-ibig sa kamagwangang anak nila Manny ug Jinkee Pacquiao nga si Jimuel human kini na-picturan nga adunay kuyog nga babaye.
Nasaksihang nagka-holding hands pa ang duha diin mismong si Mommy Jinkee ang nag-post sa picture sa Instagram account niini niadtong nakalabayng Martes, Mayo 20.
Kasamtangang anaa karon sa Los Angeles, California USA ang kamagwangang Pacquiao diin nagbansay-bansay kini sa boksing.
Sa maong litrato kay namatyagan nga kauban ni Jimuel ang usa ka babaye nga nagsul-ob og green dress diin nag-holding hands pa kini nga naglakaw uban sila Manny ug Jinkee.
Gidayeg sa mga netizens ang ka-gwapa sa maong misteryosong babaye nga ala Mexican daw ang beauty niini.
Sa pagkakaron, wala pa gipaila-ila sa publiko ni Jimuel ang pangalan sa iyang kaubang misteryosong babaye.
