CEBU – Gihatagan nila ni John Prats ug Isabel Oli ang mga fans sa usa ka daklit nga pagtan-aw sa ilang gipangandoy nga balay, nga hapit na mahuman human sa pipila ka buwan nga construction.
Gipakita ni Oli ug Prats ang pipila ka bahin sa ilang gipangandoy nga balay pinaagi sa video sa ilahang social media account.
Makita sa video ang duha ka andana nga istraktura nga adunay swimming pool nagbarog sa usa ka lote nga gilibutan sa mga kahoy lakip na ang nagkadaiyng wood accents sa mga haligi ug kisame usab.
Nasayran nga unang gisugdan pagtukod ang maong balay niadtong pang Agosto sa miaging tuig.
Unom na ka tuig nga minyo ang magtiayon ug gikatakdang magselebrar sa ilang ikapitong anibersaryo karong Mayo 16 uban sa ilahang tulo ka mga anak nga sila si Lilly Feather, Daniel Freedom ug Lilla Forest.
