Gikatakdang mobalhin ang kanhi NBA 6th Man of the Year nga si Jordan Clarkson sa New York Knicks, nunot sa nasabutan nga buyout sa Utah Jazz.
Gilauman nga ang kanhi Gilas Pilipinas guard nga mopirma og kontrata sa Knicks, sa higayon nga makompleto na ang buyout gikan sa Jazz, ang team nga iyang gialagaran sukad niadtong 2019 human sa iyang trade gikan sa Cleveland Cavaliers.
Sa miaging season, si Clarkson nakaposte og average nga 16.2 puntos, 3.7 assists ug 3.2 rebounds sa 37 games nga iyang naduwa.
Ingon man nga sa miaging season, ang Utah Jazz maoy pinakagrabe nga team sa western conference tungod kay ang team nakadaog lang og 17 ka duwa.
Sa pagbalhin ni Clarkson sa Knicks, makig-uban siya sa kasamtangang core sa team nga si Jalen Brunson, big man Karl Anthony Towns ug forward OG Anunoby ug Mikal Bridges.
Nasayran usab nga mamahimo usab nga malakip sa Knicks ang kanhi 6th Man awardee.
