Giangkon sa inilang internasyonal nga singer-songwriter nga si Josh Groban ang iyang pagdayeg sa Filipino artist nga si Julie Anne San Jose, kinsa iyang giila nga usa ka “incredible singer.”
Sa usa ka interbyu, gihisgutan ni Groban si Julie Anne isip usa sa mgaFilipino talents nga gusto niyang makatrabaho.
Gidayeg usab ni Groban ang madasigon nga musika sa Pilipinas, ug namatikdan nga ang mga artistang Pilipino adunay tinuod nga talagsaon nga talento sa pagkanta.
Nailhan si Groban sa iyang mga kolaborasyon sa mga top Filipino performers sama nila ni Christian Bautista ug Lea Salonga, mao nga ang mga pahayag sa mag-aawit nakahatag og kalipay ug kahinam sa mga fans ni Julie Anne.
Sama sa gilauman, si Josh Groban mobalik sa Pilipinas alang sa iyang GEMS World Tour sa Pebrero 18, ug tungod niini, nagsugod na ang mga fans sa pagbanabana kung ang gipangandoy nga kolaborasyon tali ni Groban ug Julie Anne mahitabo ba atol sa iyang konsyerto sa Manila.
