CEBU – Nakakita na og bag-ong ball club ang kanhi University of the Philippines (UP) star nga si Juan Gomez de Liaño.
Kini human gikatakdang moduwa kini sa Indonesian team nga BBM Viking Warriors alang sa umaabot nga season sa ASEAN Basketball League.
Nakaduwa na kaniadto si Gomez De Liaño sa second division sa Japan’s B.League for Earthfriends Tokyo Z, diin nag-average lang kini og 16.6 minutos matag duwa ug nakamugna og 5.3 puntos, 2.5 ka assists, ug 2.2 ka rebounds matag duwa.
Gikatakda usab kining morepresentar sa Pilipinas sa ABL 3×3 International Champions Cup human miapil sa Platinum Karaoke squad.
Nakitaan usab og aksyon ang kanhi UAAP Rookie of the Year, si Gomez de Liaño sa Gilas Pilipinas sa bag-ohay lang nga FIBA World Cup Asian qualifiers niadtong Pebrero.
Human sa duha ka tuig nga walay kalihokan tungod sa pandemya, nagsugod na usab ang ABL sa 3×3 nga kompetisyon niini sa Bali, Indonesia gikan Abril 16-17.
