Gilubong na ang kanhi Chief Presidential Legal Counsel nga si Juan Ponce Enrile niadtong Sabado sa hapon, Nobyembre 22.
Gilubong siya sa Libingan ng mga Bayani sa Taguig City.
Gihatagan og departure honors sa Armed Forces of the Philippines ang iyang lungon, nga gisul-oban sa bandila sa Pilipinas.
Human niini, gipahigayon ang lubong gikan sa ganghaan sa mga bayani ngadto sa iyang katapusang pahulayan.
Adunay katapusang panalangin nga gipangulohan ni Rev. Fr. Cherish Chester Serana sa wala pa hingpit nga gisirhan ang iyang lubnganan.
Mitambong sa seremonya sila si Defense Secretary Gilberto Teodoro Jr., Health Secretary Teodoro Herbosa, ICT Secretary Ivan Uy, ug kanhi Senador Gringo Honasan.
Bisan pa, ang pipila ka mga grupo sama sa National Union of Peoples’ Lawyers misupak sa paglubong ni Enrile sa sementeryo tungod kay para kanila, kini usa ka “grave distortion of history” tungod sa papel ni Enrile sa pagpatuman sa Martial Law sa administrasyong Marcos Sr.
Giisip nila ang Libingan ng mga Bayani nga dili usa ka “sanctuary” alang sa mga nakaguba sa demokrasya.
Bisan pa sa kontrobersiya, ang lubong ni Enrile nagpabilin nga makasaysayan isip usa sa mga personalidad nga kabahin sa EDSA People Power Revolution.
Kahinumduman nga ang Senado nagpahigayon og necrological service alang kang Enrile, kinsa nagsilbi nga Senate President kaniadto.
