Subling gipamatud-an sa Sugbuanong basketbolistang si June Mar Fajardo ang iyang dominasyon sa Philippine Basketball Association (PBA) human siya napiling Most Valuable Player (MVP) sa ikasiyam nga higayon diin record na kini sa kasaysayan sa liga.
Natanyagan sa MVP trophy si Fajardo sa Manila niadtong Domingo, Oktubre 5 dungan sa pag-abli sa makasaysayanong 50th season sa PBA.
Sa miaging 49th season, si Fajardo nakadaog sa Best Player of the Conference sa Governors’ Cup ug Philippine Cup, nga nagpalig-on pa sa iyang ngalan isip usa sa labing bantugan nga mga magduduwa sa PBA.
Kahinumduman nga si Fajardo unang nakadaog sa MVP gikan sa 2014 hangtod 2019 sulod sa unom ka sunodsunod nga tuig, ug na usab niadtong 2023 hangtod karon.
Ang ubang mga pasidungog sa 2025 PBA Leo Awards kay mao sila:
First Mythical Team
- June Mar Fajardo
- Arvin Tolentino
- Calvin Oftana
- CJ Perez
- Robert Bolick
Second Mythical Team
- Japeth Aguilar
- Zavier Lucero
- Scottie Thompson
- RR Pogoy
- Justin Arana
