Gitudlo ni Presidente Ferdinand R. Marcos Jr. si Secretary of Justice Jesus Crispin “Boying” Remulla isip bag-ong Ombudsman sa Republika sa Pilipinas, human sa pagkompleto sa termino ni Hon. Samuel R. Martires niadtong Hulyo.
Si Kalihim Remulla nagsilbi nga ika-59 nga Kalihim sa Justice sukad Hunyo 2022. Ubos sa iyang pamunoan, ang Department of Justice nag-uswag sa dagkong mga reporma aron ma-modernize ang sistema sa hustisya, ma-decongest ang mga prisohan, mapadali ang pagresolba sa kaso, ug mapalapad ang access sa legal nga serbisyo.
Nakaangkon ang iyang mga dekada nga pagserbisyo isip magbabalaod, gobernador, ug abogado og halapad nga pagtahod sa iyang kaligdong ug pasalig sa serbisyo publiko.
Nagpabiling lig-on ang administrasyon sa ilang pasalig nga pakigbatokan ang korapsyon bisan asa kini anaa.
Isip Ombudsman, si Remulla gilauman nga mosuporta sa transparency, mopalig-on sa mga lakang batok sa korapsyon, ug mosiguro nga ang hustisya mahatag sa patas ug episyente.
Nipasalig usab si Marcos Jr. nga ang transparency, kaangayan ug ang pagmando sa balaod magpabilin nga giya nga mga prinsipyo niining administrasyona sa pagpangita sa usa ka Bagong Pilipinas nga tinuod nga nag-alagad sa katawhang Pilipino.
Ania ang shortlist sa presidente alang sa posisyon sa Ombudsman naglakip sa mosunod;
MICHAEL AGUINALDO
Former Commission on Audit (COA) Chairperson
STEPHEN CRUZ
Retired Court of Appeals Associate
SAMUEL GAERLAN
Supreme Court Associate Justice
MICHAEL FREDERICK MUSNGI
Sandiganbayan Associate Justice
MARIO LOPEZ
Retired Supreme Court Associate
ANNA LIZA LOGAN
Deputy Executive Secretary
