Nisalmot ang gatusan ka mga babaye nga nagsul-ob og pink ang nagprotesta sa Jakarta, Indonesia, batok sa kabangis sa pulisya ug sobra nga benepisyo alang sa mga magbabalaod kaniadtong Miyerkules, Setyembre 3.
Sa maong pagprotesta, nagdala kini og mga silhig, nga nagsimbolo sa usa ka panawagan sa pagsilhig sa hugaw sa estado ug sa pagsumpo sa mga pwersa sa seguridad.
Nagdala usab sila og mga plakard nga adunay mga mensahe sama sa “Reform the police” ug “Your sweet promises cause diabetes,” ug sumala sa Alliance of Indonesian Women, ang protesta gitumong sa pagpakita nga kadaghanan sa mga demonstrasyon malinawon.
Nitumaw kini human ang usa ka sakyanan sa pulisya nakabangga sa usa ka food delivery driver sa niaging semana, nga nagpukaw sa mas lapad nga mga protesta sa tibuuk nasud.
Sumala pa, adunay 10 ka mga tawo ang namatay sa nagpadayon nga kagubot sa nasud, samtang ang National Commission on Human Rights karon nag-imbestiga, ug ang United Nations nanawagan alang sa usa ka bug-os nga imbestigasyon sa giingong paggamit sa sobra nga pwersa sa mga awtoridad.
