Nagpakita og lig-ong baruganan ang mga grupo sa kabatan-onan sa Dakbayan sa Sugbo karong adlawa, Nobyembre 30, 2025, pinaagi sa pag-apil sa usa ka dako nga rally batok sa nagkagrabe nga isyu sa korapsyon.
Ang mga batan-on, nga nagdala og mga plakard ug nagpalanog og mga panawagan, mao ang usa sa labing dako nga contingent sa maong kalihukan.
Ilang gipadayag ang ilang kasuko ug kabalaka sa epekto sa korapsyon sa ilang kaugmaon ug sa katibuk-ang kalamboan sa nasud.
Gipakita sa maong rally ang ilang pagtuo nga sila isip bag-ong henerasyon, adunay dako nga papel sa pagsumpo ug pagpangita og kalambuan sa transparency ug matinud-anon nga pagdumala sa gobyerno.
Busa, giawhag ni Renzo Flordelis, kabataan partylist Cebu City ang ubang susaman niini nga kabataan nga ipakita ug barugan ang giingon ni Dr. Jose Rizal nga ”ang kabataan ang pag-asa ng Bayan” hinungdan nga gidasig niini ang kabatan-onan nga mosapil sa mga panawagan sa kadalanan aron ipagawas pinaagi sa pagsinggit sa mga anomalya ug kapakyasan sa gobyerno nga miresulta na karon human sa pila ka katalagman nga miigo sa nasud hilabi na sa Sugbo.
Gidugang ni Flordelis nga dili na angay pa nga paaboton ang tuig 2028 diin makabotar pagbalik gumikan pinaagi sa pag-uban kanila sa kadalanan, dako na kini tabang nga nagpakita nga adunay bili sa mga bag-ong henerasyon ang nagkalapad nga kurapsyon sa nasud.
