CEBU CITY-Igo nalang sa pagbakho ang tag-iya sa usa ka kabaw nga namatay human gibakunahan sa Brgy. Alpaco, dakbayan sa Naga.
Matud pa sa paumangkon sa ta-iya nga mikalit og kaluya ug nahagsa ang ilang binuhi human kini gibakunahan bisan paman nga himsog pa kini.
Nasayran nga ang naasoy nga kabaw nagkantidad og P60 mil ka pesos ug ingon man nga gihilakan niini ang mananap gumikan mao kini ang iyang kaabag matag adlaw sa iyang pagpanaro.
Gibutyag usab niini nga nisamot sa ilang pagkasagmuyo ug hilabihan nga nasakitan tungod nanghinaw ang taga City Vet sa maong hitabo.
Sa pakighinabi sa Bombo News Team kang Dr. Alice Utlang, City Veterinary nga posibleng aduna pa’y laing gipamati ang kabaw hinungdan nga ni-reak ang lawas sa mananap.
Gidugang usab niini nga tingale milakaw dayon kini pagkahuman sa pagpabakuna ug init pa ang panahon nga posibleng usa sa mga hinundgan nga na-trigger ang reaction sa kabaw sa giturok nga tambal.
