Na obserbahan karon sa kadaghanan nga nasugdan og mabugnawon ingun man mauwanon nga panahon ang nisugat sa unang semana sa Enero 2026, ug matod pa, adunay 3 ka weather system, ug kini ang giklaro ni Retired PAGASA Regional Director Oscar Tabada.
Matod ni Tabada, adunay shearline nga nagpasabot nga kung ang kusog ug bugnaw nga hanging amihan mopuli sa hanging easterlies, hinungdan nga masinati na ang mabugnaw nga panahon.
Atol sa eskslusibong pakighinabi sa Bombo Cebu Newsteam kaniya, iyahang gipasabot nga tungod niining shearline, kasagaran sa kabisay-an makasinati og talagsang pag uwan-uwan, madag-omon ang kalangitan, ingun man sa Bohol, Cebu Province, Western ug Eastern Visayas.
Gidugang ni Tabada nga sa laing weather system, adunay Northeast Moonsoon usab nga nagdala og bugnaw nga hangin, nga ni epekto sa Manila ug sa ubang bahin sa Luzon.
Ingun man ang Easterlies nga anaa usab mabatian sa Mindanao.
Busa, sa pamahayag ni Tabada, mao kini usa sa hinungdan usab nga sa kabisay-an makasinati og madag-omon nga kalangitan.
Gani, karong adlawa, Enero 3, gipaabot ang 50-70% nga tsansa sa pag uwan nga masinati.
