Makigtagbo si Department of Public Works and Highways (DPWH) Secretary Vince Dizon sa Anti-Money Laundering Council (AMLC) aron i-freeze ug i-forfeit ang mga kabtangan ug bahandi sa mga personalidad nga nalambigit sa flood control projects.
Matod ni Dizon, dili igo nga mapriso lang ang mga nakaingon sa pagbaha sa nasud.
Inay kinahanglang ibalik usab ang binilyon nga kuwarta sa katawhan nga gikawatan.
Hinungdan nga miinsister ang kalihim nga ang tanang pasakaan og kasong kriminal dunay kauban nga reklamo sa AMLC aron ma-freeze ug ma-forfeit ang ilang mga kabtangan aron mabawi ang kuwarta sa katawhan.
Samtang, gikatakda usab nga mopagawas og department order nga nagkinahanglan og pagtugot sa LGU sa dili pa magsugod ang bisan unsang proyekto sa DPWH sa usa ka lugar.
Matud nini nga mismo si Presidente Ferdinand R. Marcos Jr. ang nakadiskubre sa maong mga anomaliya atol sa iyang pagbisita sa mga lugar nga gitukoran o anaa sa gipangayuan og budget.
Tungod niini, gimanduan siya sa Presidente nga kinahanglang aprobahan una sa mga lokal nga kagamhanan ang bisan unsang proyekto sa DPWH.
