CENTRAL VISAYAS-Giklaro ni Dr Salustiano Jimenez DEPED 7 Regional Director nga walay direktang tulubangon ang tunghaan sa nahitabong disgrasya sa mga estudyante sa Magay Compostela kung asa ang gisakyan niini nga sakyanan nabangga sa usa ka poste ug miresulta sa pagkaangol sa mga pasaherong estudyante.
Gitino ni Dr. Jimenez, nga ang mabuhat lang sa Department of Education, Central Visayas kay ang debriefing pinaagi sa pyschological 1st aid sa mga studyante.
Gani ang mga skwelahan wala gitugutan ang activities nga makahatag ug dagko nga risgo para sa mga magtutungha gumikan kay kuyaw gumikan sa atong sitwasyon nga anaa pa sa recovery period sa learning crisis ug mental health issues.
Dugang usab ni Jimenez nga wala nay labot ang skwelahan kung ugaling mo buhat ang mga studyante ug mga aktibidad sa gawas lasbi na sa Holiday, Sabado o Dominggo.
Kini gumikan kay walay kalabutan ang tunghaan ug ang mga studyante tua na ubos sa poder sa ilang ginikanan.
