Grabeng emosyon ang nasinati sa presidente sa Philippine Olympic Committee (POC) nga si Abraham “Bambol” Tolentino human sa pagsakmit sa Pilipinas sa labing unang gold medal sa Asian Winter Games.
Ang men’s curling team nga gilangkoban nila Marc Pfister, Enrico Pfister, Alan Frei, Christian Haller ug Benjo Delarmente mipildi sa South Korea sa iskor nga 5-3 sa championship match niadtong Biyernes, Pebrero 14 aron pagsakmit dili lang sa nasud, kondili sa bisan kinsang Southeast Asian athlete’s best-ever finish sa winter games karong tuiga.
Dayag pa ni Tolentino nga “This is too good to be true.”
Sila ang labing maayo nga team sa Southeast Asian Region sa 34 ka nasud nga kompetisyon diin ang Thailand nakakuha og usa ka bronze pinaagi sa men’s slopestyle sa freestyle skiing.
Ang Harbin Winter Games, matod pa ni Tolentino, gituyo aron mahimong springboard alang sa Pilipinas nga molugway sa ilang kalampusan ngadto sa Winter Olympics.
Ang ika-25 nga Winter Olympics gikatakda sa Milano Cortina sa Pebrero 2026 ug uban sa bulawan nga medalya tungod sa promising performance sa 20 ka mga atleta sa PH kay si Tolentin naglaum nga ang nasud mahimong kuwalipikado sa mga potensyal nga medalya sa Italya.
