CEBU CITY- Mipahamtang ang Kagamhanan sa Dakbayan sa Sugbo, sa paggamit og limitado nga enerhiya particular na ang paggamit sa mga aircon ug suga sa buhatan sa Cebu City Hall.
Matud ni Cebu City Mayor Nestor Archival, nga kinahanglang mag-amping sa paggamit sa enerhiya gumikan kay ang tibuok Visayas gipaubos sa Yellow Alert, nga nagpasabot sa kakuwang sa suplay sa enerhiya.
Sigon niini nga kinahanglang ikonsiderar sa mga konsumidor ang paggamit sa kuryente aron dili makahatag og dakong epekto ngadto sa mga nagkadaiyang power plants nga limitado lamang ang suplay nga mahatag.
Hinungdan nga giawhag sa Mayor, ang mga empleyado sa Cebu City Hall nga maglimitar sa paggamit sa mga aircon og suga sulod sa buhatan taliwala sa mga isturya nga ang buhatan daw murag Menteryo.
Gihimug-atan niini nga ang mga konsumidor kinahanglang epesyente nga mogamit sa kuryente aron makatipid sa enerhiya.
