Kagamhanan sa Probinsiya sa Sugbo mopasaka og dugang kaso sa Bureau of Animal Industry

PROVINCE OF CEBU-Mopasaka og dugang kaso ang Kagamhanan sa Probinsiya sa Sugbo ngadtu sa mga opisyal sa Bureau of Animal Industry (BAI), apil ang criminal complaints, kini human giingong napakyas sila sa pagpakig-alayon kanila dihang gideklarar sa ahensya ang dugang mga lugar nga naigo sa African Swine Fever (ASF).

Kini ang gibutyag ni Atty. Rory Jon Sepulveda, Capitol legal consultant, gahapon Lunes, Abril 3, kini gumikan kay nakalatid sa balaod nga ang kagamhanan sa Probinsiya sa Sugbu adunay katungud subay sa Republic Act 7160.

Una niini, gidiklara sa BAI nga misaka ang ASF infection sa Cebu province, ngadto sa 12 ka mga lugar sa lalawigan sa Sugbo, gikan sa unom lang sa miaging semana.