CEBU CITY-Gimandoan sa Cebu City Government ang local police ug auxiliary forces nga mangandam sa mga contingencies sa higayon nga mapakyas ang pipila ka barangay sa paghatag og dugang personnel atol sa pagsaulog sa gihandum nga mga okasyon nga nahitabo gahapon ug karong adlawa.
Mao kini ang gibutyag ni Cebu City Councilor Phillip Zafra, ang pangu sa committee on peace and order sa Dakbayan human sa iyang pakigtagbo sa lain-laing ahensya nga nakita ang maong kakuwang hinungdan nga gamiton isip dugang personnel ang mga personahe sa mga barangay aron madugangan ang seguridad karong adlaw sa mga minatay.
Malampuson usab ang pagsaulog sa adlaw sa mga santo gahapong adlawa ingon man nga walay natalang dagkong kagubot gawas sa mga ginagmay nga mga nakuha sa mga otoridad gumikan posibleng makadala kini og kasamok ug hulga sulod sa mga cementeryo.
