CEBU CITY-Gibutyag ni Konsehal Jun Alcover ang pangulo sa City Agriculture Department sa Sugbu, nga ilahang e-inventory ang mga water irregation system ug water truck sa mga kabukiran sa Sugbu nga magamit sa panahon sa pagbubu ug tubig kung ugaling man maapektuhan pag-ayu sa El Niño ang mga Mountain Barangays, arun sa ingun dili mangamatay ang mga tanaman sa mga mag-uuma.
Matud pa ni Alcover, nga sa wala pa ang bakasyon sa Holy week ilaha naning na meetingan uban ang konseha, arun sa ingun ma-address ang problema sa mga Mountain Barangays niining grabi nga kainit nga nasinati karun dili laman sa Sugbu, apan lukop Pilipinas.
Nasayran nga sa 80 ka mga barangay sa Sugbu 28 niini ang gi-ugmad sa mga mag-uuma hinungdan nga importante nga makaabut ang water supply, arun sa ingun dili mangamatay ang ilahang mga tanom nga maoy ilahang ‘source of income’.
