Kagamhanang dakbayan sa Mandaue, gidalitan og pasidungog gikan sa PDEA-7

Nakadawat og Plaque of Recognition ang kagamhanang dakbayan sa Mandaue gikan sa ahensya sa Philippine Drug Enforcement Agency – Central Visayas (PDEA-7).

Personal nga gitunol ni PDEA-7 Regional Director Alex Tablate ang Plaque of Recognition ngadto kang Mandaue City Mayor Glenn Bercede ngadto sa Mandaue City Hall kagahapong adlawa sa Biyernes, Marso 14, 2025.

Kini aron sa pag-ila sa kagamhanang dakbayan sa pakig-alayon niini sa programa kontra sa ginadaling Drogas nga maoy primera agenda sa PDEA.

Matod pa sa datos sa PDEA-7 nga sa 27-ka mga barangay sa dakbayan sa Mandaue, adunay 19 na niini ang opisyal nga gideklarang Drug-Cleared.

Ang mga programang batok sa illegal nga drogas kay nakahatag og kalamboan sa komunidad sa dakbayan sa Mandaue.