CEBU CITY — Naglaum ang legal counsel sa mga walo ka mga dinakpan human nagprotesta sa University of the Philippines (UP) Cebu Campus nga temporaryong makagawas sa labing daling panahon.
Kini human nga gipaubos sa inquest proceedings ang mga nahisgutan sa City Prosecutor’s Office aron atubangon ang kasong gipasaka sa PNP batok kanila.
Matud sa tigpamaba sa legal counsel sa walo nga si Atty. King Anthony Perez nga gipaabot sa ilang habig ang kopya sa complaint sa kasong gi-atubang sa walo.
Gitinguha sa habig sa mga dinakpan nga makahatag og pyansa sa piskalya apan nisanong lang sila sa mga proseso niini nunot na sa gipatumang health protocols.
Apan nangita sila og uban pang mga remedyo aron makahatag og pyansa sanglit sirado man ang mga government banks sa panahon sa weekend.
Dugang pa ni Perez nga naninguha ang abugado sa mga nagprotesta sa UP-Cebu nga makagawas sa labing daling panahon aron wala nay igong rason nga langay-langayon pa sa mga pulis.
Nasayran nga daghan ang nagtampu-tampo aron adunay ikapyansa sa pito ka mga protesters ug usa ka bystander kinsang igo lang nga nipadayag sa kasagmuyo sa paspas nga pagpasar sa Anti-Terrorism Bill. (gn)
