CENTRAL VISAYAS-Kahadlok ang gibati sa pipila ka mga Pilipinong Bol-anon sa Nasud nga Holy land of Israel, human sa sunod-sunod nga rocket attack gikan sa militanteng grupong Hamas.
Kini ang nahimung pamahayag ni LEONALYN GUNTING-BARKAN, lumad nga taga Bohol Province, ug naa sa Ramle, Israel, gitino niini, atul sa pakighinabi sa Bombo Newsteam, nga sa kasamtangan luwas pa kini, apan aduna kini kabalaka gumikan kay padayun niyang nadungung ang buto-buto sa iyahang palibot.
Dugang pa niini, nga dili kini ang unang higayun nga nakasinati siya ug gubat sa naasoy nga nasud, apan lahi ra ang kagubot nga ilahang nasinati karun, kini gumikan kay ang mga militanteng groupo, manuktuk na sa tagsa-tagsa ka mga panimalay ug pamatyon ang mga residente.
Nanghinaot kini nga mabalik na ang ‘peace and order’ sa nasud, arun sa ingun mawala na ang ilahang kabalaka ug mabalik na sa normal ang ilahang kinabuhi.
Gidugang niini, nga aduna silay mga ‘bomb shelter’ arun sa ingun kung adunay mga rocket nga ipalupad modagan sila ug mutago sa mga naasoy nga ‘bomb shelter’ alang sa ilahang kaluwasan.
Aduna na usab mga sundalo nga gipangdeploy dool sa mga boarder, kini subay usab sa pag deklara sa Israek og ‘war’.
