Gikumpirmar ni Gilas Pilipinas head coach Tim Cone nga moapil si Kai Sotto sa team og sayo alang sa pagbansay-bansay agi’g pangandam sa fifth window sa FIBA World Cup 2027 Asian Qualifiers.
Matod ni Cone, apil si Sotto sa team paingon sa Seremban, Malaysia, karong Nobyembre 21.
Kini nakapawala sa mga kabalaka nga basin dili makaapil si Sotto tungod sa injury, human gipahibalo sa Samahang Basketbol ng Pilipinas (SBP) nga apil siya sa 12-ka-tawo nga roster sa national team.
Dugang pa ni Cone nga nakadula na si Sotto sa iyang pinakaulahing duwa sa Japan League ug naghinam-hinam na kini nga moapil sa Gilas Pilipinas.
Giisip si Sotto nga usa ka mahinungdanong hinungdan sa mga kadaugan sa Gilas atol sa ikaupat nga window sa FIBA World Cup Asian Qualifiers, diin gipildi sa team ang Iran ug Jordan.
Sa umaabot nga ikalimang window, atubangon sa Gilas ang Syria ug Iran.
