CEBU CITY-Walay dakung kalahi-an ang paghandom sa mga Chinese sa Kalag-Kalag sa pamaagi sa mga Pilipino.
Gipasabot ni Dr. Dan Salud, usa ka college professor nga gumikan sa ‘mixed culture’ ug aduna na’y daghang mga Filipino-Chinese hinungdan nga walay dakung kalahi-an ang ilahang paghandom sa adlaw sa mga kalag.
Gani, giingong kadaghanan usab sa mga kustombre sa mga Pilipino panahon sa Kalag-Kalag ang sinunod usab sa mga insik.
Usa na niini matud pa ang paghalad ug paboritong pagkaon sa mga mitaliwan na nga mahal sa kinabuhi. Giingung nakuha na ang maong kustombre sa mga Pilipino ngadto sa mga insik kung diin magbutang ug pagkaon atubangan sa nitso sa pagtuo nga simhuton kini sa kalag.
Hinuon, gihimug-atan ni Salud nga bisan pa man sa nagkadaiyang pagtuo, gikinahanglan ang pagtahud sa matag usa. (SBR)
