Cebu City- Kalambigitan sa illegal nga drogas mao nay nahimong lead karon sa kapulisan sa Police Regional Office 7 sa kamatayon sa mang-uyab nga sila si Stephen Del Corro ug Jaime Mata ug ang barkada ni Stephen nga si Harry Lloren kinsang napalgan na lamang sa dakbayan sa Mandaue ug lungsod sa Liloan diin pulos dunay samad pinusilan sa ilang ulo ug uban pang bahin sa ilang lawas.
Matud ni Police Chief Supt. Debold Sinas ang Director sa PRO7 nga duna silay lig-on nga ebedensya nga nalambigit sa iligal nga drogas si Del Corro ug miembro kini sa usa ka drug group.
Apan usa karon sa problema sa PNP bisan ug duna silay lig-on nga ebedensya, apan wala matud pay mangisog aron mubarog nga witness.
Subay niini giwagtang na usab sa PNP ang una ng posibilidad nga my kalambigitan ang fraternity ni del Corro sa maong insidente. Gipasabot ni Sinas nga kabahin gayud lamang kadto sa protocol sa PNP sa ilang pag imbestigar sa krimen .
Nangayo usab ug pasaylo si Sinas ngadto na sa Akhro fraternity sa ilang pagkalakip sa imbestigasyon.
