CEBU – Gibutyag ni Dr. Ryan Maboloc, usa ka political analyst ug philosophy professor sa Ateneo De Davao University nga nakalapas sa international law ang gibuhat nga pagsulong sa Russia sa nasod nga Ukraine gumikan unprovoked ang among giyera ug mao kini ang gilantaw sa International Criminal Court (ICC).
Matod pa ni Maboloc, nga mamahimong tan-awon sa ICC kung ang gihimo ba nga pagpangatake sa mga civilian installations, mga buildings ug infrastructures nga walay labot sa military establishments sa Ukraine pag-violate ba o gituyo ba kini sa Russia.
Diin mamahimo kini nga basehanan sa himuong imbestigasyon sa ICC aron makita kung si kinsa ang perpetuator ug masalang sa ICC
Kini gumikan na usab nga ang gibuhat sa Russia ngadto sa Ukraine wala nahisubay sa gitawag nga “just war theory”.
Ang “just war theory” usa ka pilosopiya sa kadaghanan nga Kristiyano nga naglangko sa tulo ka butang: ang pagkuha sa kinabuhi sa tawo usa ka seryoso nga sayop, ang mga estado adunay katungdanan o katungod sa pagpanalipod sa ilang mga lungsuranon ug hustisya, ang pagpanalipod sa inosenteng mga kinabuhi ug pagdepensa sa importanteng moral nga mga mithi usahay nagkinahanglan ug kaandam sa paggamit sa puwersa ug kapintasan.
Kahinumduman, nga gisugdan na sa ICC ang ilahang imbestigasyon sa pakig-gubat sa Russia sa Ukraine, basi sa referral sa 39 ka mga member countries.
Samtang, angayan nga mangandam ang Pilipinas subay sa nahitabong kagubot sa Russia ug Ukraine.
Gihimug-atan ni Dr. Clarita Carlos, UP-Diliman Professor, nga gikinahanglan nga mangandam ang nasud ilabi na sa pagsaka sa presyo sa gasolina ug uban pang mga nag-unang palaliton.
Matud pa, hilabihan ka lapad ang kayutaan sa Pilipinas nga mahimong gamiton alang sa pagpananom sa mga mag-uuma.
Giingong naka-survive ang Pilipinas niadtong Japanese invasion gumikan kay nananom ang mga Pilipino ug adunay makaon.
Nagkanayon si Carlos nga likayan ang kanunay nga pag-angkat gumikan kay alkansi niini ang mga Filipino farmers, ilabi na ug ang pag-import kay madungan sa harvest period sa mga mag-uuma sa nasud.
