Kalit nga pagbaha ug miresulta sa pagdahili sa yuta sa Nepal, mikalas na og 14 ka kinabuhi

Mikalas og labing menos 14 ka kinabuhi ang nagpahinabog kalit nga pagbaha ug pagdahili sa yuta sa Nepal samtang anaa sa siyam ang padayon nga gipaningkamutan nga makit-an sa mga disaster team.

Ang pagbaha sa kasikbit nga India, ingon man sa ubos nga bahin sa Bangladesh, nakapahinabo usab sa kaylap nga kadaot ug nakaapekto sa milyon-milyong tawo.

Matud sa tigpamaba sa Nepalese police nga si Dan Bahadur Karki nga nakigtambabayong na sila sa ubang mga ahensya ug mga lokal aron makit-an ang nangawala nga mga tawo.