CEBU CITY-Managkaluha nga 5 anyos pulos patay human malumos sa swimming pool sulod sa Ajoya Subdivision sa Barangay Gabi lungsod sa Cordova probinsya sa Sugbo alas 3:40 sa Domingo sa hapon, Nobyembre 26, 2023.
Giila ang mga biktima nga sila si Dexson ug Patrick Sarmiento, managkaluha, kinsa lumulupyo sa maong subdibisyon.
Dali nga miresponde ang mga sakop sa Municipal Disaster Risk Reduction and Management Office sa naasoy nga lungsod ug gidalikyat sa Art Medical Center ang mga biktima apan gi-deklarar kini nga dead on arrival.
Base sa maong imbestigasyon sa hepe sa cordova police station nga si police major michale gingoyon, nagduwa ang managkaluha sa dihang nalagpot ang gidulaang bola niini sa swimming pool sulod sa subdibisyon, nga maoy nakaingon sa pagkalumos sa mga biktima gumikan kay gisulayan nila kini og kuha.
