Giingong nagkahiusa ang Kongreso sa tinguha sa pagpalig-on sa Armadong Kusog.
Kini nunot sa hangyo ni National Security Adviser Eduardo Año ngadto sa Senado ug Kamara nga suportahan ang pagpatuman sa Horizon III sa AFP modernization program.
Matod ni Tingog Party-list Rep. Jude Acidre, taliwala sa isyu sa West Philippine Sea (WPS) ug geopolitics karon, angay lang nga palig-onon ang kapabilidad sa Armed Forces of the Philippines.
Matud pa nga tukma lang kini nga hisgutan kung unsaon pagpadali sa modernisasyon sa AFP tungod sa dugay nga panahon nga walay nakita nga dagkong resulta.
Dugang pa niini nga gawas sa ‘wishlist’, kinahanglang ipakita usab sa AFP nga husto ang paggasto sa pundo nga gigahin alang sa maong programa.
Gitumbok ni Deputy Speaker David Suarez, ang pagpalig-on sa AFP dili tungod kay gusto niini og kasamok o gubat.
Hilabi na nga gisiguro lang sa gobyerno nga luwas ang matag Pilipino ug mapanalipdan ang soberanya.
