Gipasiugda ni Bicol Saro Party-list Rep. Terry Ridon nga ang proseso sa impeachment batok kang Bise Presidente Sara Duterte hugot nga gibasi sa mga lagda ug lig-on nga ebidensya.
Sumala ni Ridon, ang House andam nga depensahan ang proseso niini sa patas ug legal nga paagi kung ang kampo sa Bise Presidente mopasaka niini sa Korte Suprema.
Gihimakak usab ni Ridon ang mga pasangil nga ang mga reklamo gibasi lang sa espekulasyon.
Gikutlo niya ang mga konkreto nga basehan sama sa taho gikan sa Commission on Audit (COA) bahin sa P70 milyon nga gidili nga confidential funds, ingon man ang Statement of Assets, Liabilities and Net Worth (SALN) ni Duterte.
Dugang pa sa magbabalaod, nga kinahanglan nga ipasabot ang kalainan tali sa gibanabana nga P30-P40 milyon nga kinatibuk-ang sweldo sa Bise Presidente gikan sa 2007 hangtod 2024 konitandi sa iyang gitaho nga P88 milyon nga net worth sa 2025.
Gipasalig ni Ridon nga ang due process gisunod ug ang Bise Presidente gihatagan og higayon nga motubag sa matag yugto sa pagdungog.
Ang Komite gikatakdang magpadayon sa pagrepaso sa mga dokumento ug rekord aron mahibal-an kung adunay igo nga “probable cause” aron ipadayon ang impeachment.
