Nipadayag ang House of Representatives og kabalaka sa mga taho nga ang Senado mahimong mobotar sa pag-aksyon sa desisyon sa Korte Suprema kalabot sa kasong impeachment batok kang Bise Presidente Sara Duterte nga wala na maghulat sa ilang legal remedies.
Matud ni House of Representatives Spokesperson Atty. Princess Abante, tataw nga dili pa final ang desisyon sa Korte Suprema ug isip institusyon nga adunay eksklusibong gahom sa pagsugod o pagdumala sa impeachment, moduso gihapon sila og Motion for Reconsideration.
Dugang niini nga kini usa ka butang sa constitutional right ug institutional integrity, labi na nga adunay mga sayup nga kamatuoran nga giingong nakit-an sa mga ligal nga konklusyon nga gipagawas.
Busa, giinsisyer ni Abante nga maghuwat ang Senado sa Korte Suprema nga dunggon ang MR nga gisang-at sa Kamara.
Mahimong adunay interpretasyon nga dili tagdon ang husto nga proseso kung ang usa ka sayo nga lakang sama sa pagboto aron isalikway ang impeachment trial.
Subli usab niining gihimug-atan nga usa kini ka politikanhong shortcut nga makapadaplin sa tahas sa Balay sumala sa Konstitusyon, mao nga kinahanglang mamentinar ang integridad sa proseso sa impeachment.
Ang opisyal sa Kamara dugang nga gipasiugda nga kini bahin sa pagpanalipod sa mga demokratikong institusyon ug pagpataas sa mga tseke ug balance.
Hinungdan nga nanawagan siya sa mga senador nga magmapailubon ug pasagdan ang proseso sa hudikatura hangtod nga maabot ang hustong konklusyon niini.
