CEBU – Sa usa ka komplikado nga operasyon, malampusong nabuwag sa Rio de Janeiro, Brazil ang usa ka conjoined twins nga sikit ang ulo ug nagsawo sa usa ka utok ug usa lang ang ugat nga nagdala og dugo pabalik sa ilahang kasing-kasing.
Sa usa ka bideo, giingong base sa inisyal nga pagsulay, daw imposible nga mabuwag ang kambal nga sila si Arthur ug Bernardo.
Apan, human sa pipila ka buwan nga pagtuon ug pagpangandam, nakumbinsir ang mga doktor sa Paulo Niemeyer State Brain Institute ug Gemini Untwined nga puwedeng mabuwag ang kambal.
Bisan gikulbaan, ang inahan sa kaluha nga si Adriely Lima, nisugot nga ipadayon ang operasyon.
Human sa 27 ka oras o kapin sa tibuok adlaw sa operating room, sa tabang sa daghang doktor, si Arthur ug Bernardo malampusong nabuwag.
Sa unang higayon, nag-atubangay ang kaluha.
