CORDOVA, CEBU-Gihingusgan sa kapulisan sa lungsod sa Cordova ang ilahang kampanya batok sa nagkadaiyang krimen subay sa nagkaduol nga campaign period sa Barangay ug SK Elections 2023.
Gibutyag ni Police Major Michael Gingoyon, ang hepe sa Cordova Police Station, nga pipila na lang ka semana og magsugod na ang pagpangampanya sa mga kandidato, daghan na usab ang ilahang nangadakpan nga mga nagduwa og iligal nga drogas.
Gani, sa ilahang mga operasyon, usa ka barangay tanod sa usa ka barangay sa syudad sa Lapu-Lapu, ang ilahang nadakpan.
Kasong kalapasan sa comelec gun ban ug ang paghugpot og walay lisensya nga armas ang maong dinakpan.
Samtang, gitino usab ni Gingoyon nga walay bisan usa ka barangay sa lungsod sa Cordova ang giisip nga area of concern.
Mapasalamaton usab si Police Major Gingoyon nga daghan ang mipirma atol sa peace covenant signing hinungdan nga nagmalumon kini nga magmalinawon ang umaabot nga pinili-ay sa Cordova.
