Supak ang kampo ni kanhi Presidente Rodrigo Duterte sa hangyo sa prosekusyon sa International Criminal Court nga i-access ang iyang personal nga mga gamit ug i-freeze ang bisan unsang kwarta nga nakumpiska human siya gidakop ug gidala sa The Hague sa miaging tuig.
Sumala sa depensa, dili kinahanglan nga i-freeze ang kwarta tungod kay anaa kini sa kustodiya sa ICC Registry.
Apan, kung itugot sa korte ang hangyo, gihangyo nila nga dili ipaubos ang kantidad sa bisan unsang nakumpiska nga kwarta.
Gihangyo usab sa kampo ni Duterte nga dili tugutan ang prosekusyon nga maka-access sa nakumpiskar nga mga yawe ug uban pang personal nga mga gamit tungod kay mahimo kini nga makalapas sa iyang pribasiya ug sa mga katungod sa pribasiya sa iyang mga paryente.
Samtang, sa habig sa registry sa ICC, andam sila nga sundon ang bisan unsang mandi sa Trial Chamber III.
