Mihangyo ang kampo ni kanhi Presidente Rodrigo Duterte sa International Criminal Court (ICC) Appeals Chamber nga tugotan siya nga dili motambong sa gikatakdang hearing sa Abril 22, 2026 sa iyang kaso sa drug war.
Sumala sa iyang mga abogado, ang iyang legal team lang ang motambong sa hearing sa The Hague, diin ang Appeals Chamber ang maghisgot sa apela sa depensa bahin sa isyu sa hurisdiksyon sa ICC sa kaso.
Wala’y gihatag nga espesipikong rason ang kampo ni Duterte nganong dili makatambong ang kanhi presidente sa hearing.
Si Duterte napriso sa The Hague sulod sa kapin usa ka tuig samtang nag-atubang sa kasong crimes against humanity nga may kalabotan sa iyang kampanya batok sa ilegal nga droga sa dihang siya ang presidente sa nasud gikan sa 2016 hangtod 2022.
