Giangkon sa kampo ni detained Pastor Apollo C. Quiboloy nga posibleng mapatuman ang extradition bisan pa man og duna siyay mga pending nga kaso.
Matud ni Atty. Israelito Torreon, iyang giangkon nga dili kini imposible nga mahitabo.
Dugang niini nga ang estado nga nasud kay adunay gahum nga mahatagan ang hangyo sa Amerika og extradition request alang sa pastor.
Gihatagan og gibug-aton ni Torreon nga bisan kung posible nga ipadala ang mga akusado sa US, kapilian gihapon sa nasud nga tapuson ang iyang mga pending nga kaso sa dili pa hisgutan ang isyu sa extradition.
Apan ingon man nga wala pa silay nadawat nga dokumento o pormal nga kopya sa ‘Extradition Request’ gikan sa Estados Unidos.
Ug ila pa kining gipaabot dungan sa pag-apelar sa gobyerno nga respetuhon ang pag-uswag sa kaso sa nasud sa dili pa modesisyon sa hangyo sa langyaw nga nasud.
Samtang, ang kampo ni Pastor Quiboloy nihangyo sa Estados Unidos nga respetuhon ang soberanya sa nasud kalabot sa ilang ‘extradition request’.
Ingon man nga giinsister sa iyang abogado nga anaa na sa mga korte sa Pilipinas ang mga kaso sa iyang kliyente busa niingon siya nga angay na lang kining pasagdan.
