DAVAO CITY-Nipahinumdom na usab ang kampo sa lider sa Kingdom of Jesus Christ nga si Apollo Quiboloy sa pipila ka mga kondisyon sa iyang pagsurender.
Matod ni Atty. Israelito Torreon, abogado ni Quiboloy, nga kinahanglang adunay written declaration si Pangulong Ferdinand Marcos Jr.
Gipahayag niini nga dili niya i-hatag si Quiboloy sa US diin nag-atubang usab kini og kaso.
Dugang ni Torreon nga mao na lang kini ang ilang gipaabot isip kasegurohan ug alang usab sa seguridad ni Quiboloy.
Ang abogado niinsistir nga ang nasangpit nga lakang apil sa gilatid sa balaod.
Sukad niadto, mao na kini ang ilang hangyo kang Presidente Marcos.
Kahinumduman nga gawas sa Pilipinas, nag-atubang usab si Quiboloy og kaso sa US nga naglakip sa fraud, and coercion; sex trafficking of children; marriage fraud; fraud and misuse of visas; bulk cash smuggling; promotional money laundering; concealment money laundering; ug international promotional money laundering.
Una na nga, gipasalig usab ni Marcos nga patas ang bisan unsang husay sa kaso ni Quiboloy ug ang paghatag og kondisyon sa pagsurender sama sa iro nga nakuyawan o nabahag ang buntot.
Kung kahinumduman, nga si Quiboloy wala na igkita sukad niadtong Abril human nigawas ang iyang warrant of arrest gikan sa korte sa Pasig ug Davao.
