Nagsumiter ang kampo ni kanhi Presidente Rodrigo Duterte og bag-ong batch sa mga ebidensya ngadto sa International Criminal Court (ICC) sa iyang kaso nga crimes against humanities sa kataas sa iyang pekeng war on drugs.
Base sa dokumento nga gisumite niadtong Nobyembre 5, adunay 13 ka klase sa ebidensya nga ilang gisumiter sa Office of the Prosecutor ug sa Office of Public Counsel for Victims (OPCV) nga gipirmahan ni Atty. Nicholas Kaufman, ang abogado ni Duterte.
Bisan pa, ang maong mga dokumento nagpabilin nga confidential ug alang lamang sa depensa, prosekusyon ug OPCV.
Kini ang ikaduhang hugna nga gisumiter sa kampo sa kanhi presidente, ang una niini niadtong Septyembre nga adunay 29 ka mga line items.
Kahinumduman nga ang kanhi presidente anaa karon sa kustodiya sa The Hague, Netherlands, diin ang ICC Prosecutor nagpasaka kaniya og kaso sa 49 ka pagpatay ug pagsulay sa pagpatay tungod sa iyang peke nga kampanya batok sa ilegal nga droga sa dihang siya ang mayor sa Davao ug presidente sa Pilipinas.
