Gipatumaw ni Senate Impeachment Court Spokesperson Atty. Reginald Tongol ang posibilidad nga moduso og motion for dismissal ang kampo ni Bise Presidente Sara Duterte sa impeachment case nga iyang giatubang.
Gipasabot ni Tongol nga kung basahon ang aksyon sa defense panel, gigamit nila ang termino nga “ad cautelam” sa ilang notice of appearance o ang listahan sa mga abogado nga modepensa sa Bise Presidente.
Buot ipasabot, matod niya, nga mabinantayon gihapon ang kampo sa depensa sa ilang tubag sa korte.
Gipasabot usab niini, nga wala pa sila makaila sa Senate Impeachment Court tungod kay aduna pa silay pending nga petisyon sa Korte Suprema nga nagkuwestiyon sa hurisdiksyon sa Senate Impeachment Court.
Busa gipaabot nga moduso og motion to dismiss ang depensa.
Kung gano mao kini mahitabo, obligado ang prosekusyon sa pagtubag ug pagkontra sa pagbasura sa kaso.
