Gisentensiyahan og kamatayon ang kanhing Agricultural Minister sa China tungod sa korapsyon.
Sa usa ka desisyon sa People’s Court sa Changchun sa amihanan-sidlakang lalawigan sa Jilin, ang korte miingon nga ang kanhi ministro sa agrikultura nga si Tang Renjian midawat ug suhol sa salapi ug kabtangan nga nagkantidad ug kapin sa 268 milyones yuan, o $38 milyones, tali sa 2007 ug 2024.
Sumala sa korte, ang pagpanuhol miresulta sa “grabe nga pagkawala” o “severe losses” sa interes sa estado ug sa mga tawo niini, busa gihatag kaniya ang silot sa kamatayon.
Giangkon usab sa kanhi top official ang iyang mga salaod og nagpahayag og pagmahay.
Ang sentensiya ni Tang mao ang pinakabag-o sa gipahugtan nga kampanya ni Presidente Xi Jinping sa China batok sa korapsyon nga nakapukan sa daghang uban pang taas nga mga opisyal.
