Temporaryong nakagawas si kanhi budget undersecretary Christopher Lao human kini nakapiyansa og P90,000 alang sa iyang temporaryong kagawasan.
Matod sa PNP, nasikop karong Miyerkules sa buntag sa criminal investigation and detection group (CIDG) ang 47-anyos nga si Lao sa Barangy 18B, Obrero gumikan sa warrant of arrest nga giluwatan sa Sandiganbayan first division nga giluwatan niadtong Septiyembre 12.
Niisyu si Sandiganbayan 1st Division chair Maria Theresa Mendoza-Arcega sa warrant batok kang Lao tungod sa giingong paglapas sa Section 3 sa Republic Act 3019 o ang Anti-Graft and Corrupt Practices Act bahin sa butang sa Pharmally.
Una nang gikompirmar ni Ombudsman Samuel Martires nga ilang gipasakaan og kaso sila si Lao ug kanhi Department of Health Secretary Francisco Duque III sa Sandiganbayan.
