CEBU CITY-Gisaway ni kanhi Cebu City Mayor Tomas Osmeña ang plano ni Mayor Michael Rama nga tangtangon ang tanang skywalk sa dakbayan sa Sugbo.
Mao kini ang nahimong reaksyon sa kanhi sa bag-o lang nga gi-anunsyo ni Rama sa plano nga tangtangon ang tanang nahibiling skywalk sa dakbayan ug pulihan og mga underpass.
Ang gikabalak-an sa kanhi kung unsaon pagtabok sa mga tawo sa kadalanan, hilabi na ang pagtukod og underpass molungtad og 10 ka tuig aron mahuman.
Gani, mipadayag usab kini og katingala sa gisugyot niini gumikan supak si Rama sa mga overpasses ni anhing Kongresista Raul del Mar.
Ug girekomendar niini ang paggamit sa “flared intersections,” nga mopalapad sa mga lane nga mopaduol sa junction, nga makapausbaw sa dagan sa trapiko apan, lima na ka tuig ang milabay sukad sa iyang pagsupak sa anhi ug hangtud karon wala pa nasugdan ang pagtukod sa giingon ni Rama nga ‘flared intersections’.
Dugang pa ni Osmeña nga mas ‘problema’ ang pagtukod og mga underpass kon itandi sa ‘flaring intersections’ tungod kinahanglan nimong likayan ang mga tubo sa tubig ug drainage system.
Namatikdan usab niini nga sa pagtukod og mga underpass, kinahanglan nga magbutang og mga tubo arun malikayan ang pagbaha
