CEBU CITY-Wala pa mahuman si dismissed Cebu City Mayor Michael Rama sa iyang ligal nga mga akusasyon batok kang Mayor Raymond Alvin Garcia, kay gitinguha niya karon nga mapalagpot kini sa katungdanan sa publiko.
Atol sa press conference niadtong Enero 28, kay gitahasan sa kanhi Cebu City mayor si kanhi city administrator Collin Rosell sa pag-andam sa kasong disbarment batok kang Mayor Garcia.
Ingon man nga gidoble ni Rama ang iyang pangangkon nga “illegal” ang iyang pagtangtang niadtong Oktubre 2024 ug gipasanginlan si Garcia og gross misconduct, apil na paglambigit niini sa sabong sa usa ka casino sa dakbayan sa Sugbo, nga matud niya warrant dismissal.
Nangusog usab kini nga miingon nga walay katungod si Garcia nga mobarog o magpadayon sa Cebu City Hall.
Iyang gisubli nga si Garcia niangkon sa katungdanan sa pagkamayor nga walay gikinahanglang legal nga mga dokumento ug sa dayag nga paglapas sa due process.
Giinisister usab niini nga ang iyang preventive suspension kay nahuman na ug nalapas hinungdan nga angayan lang kini nga ma-i-reinstate.
Samtang, gisalikway usab ni Garcia ang mga akusasyon ni Rama ug wala kini nakurat sa pagpasaka og kaso inay, gihimug-atan niini nga adunay katungod ang iyang kaatbang sa politika nga mopasaka og kaso batok kaniya.
Subling giklaro usab ni Garcia nga ang iyang pag-asumir sa katungdanan sa pagka-mayor kay igo lang kini nituman sa mando sa Department of the Interior and Local Government (DILG).
