CEBU CITY – Gipusil patay ang usa ka kanhi CIDG 7 Senior Investigator ug karun usa ka active police officer nga na-assign sa Cordillera region.
Giila ang biktima nga si Police Captain Delfin Bontuyan ug na assign karun sa Cordillera region.
Basi sa inisyal nga imbestigasyon ni Police Captain Miles Damuslog, ang deputy chief investigator sa maong kaso nga gikan sa mitambong sa court hearing sa Qimonda Building Branch 13, North Reclamation Area si Bontuyan sa dihang kini gipusil.
Naigu ang biktima sa iyahang ulo hinungdan sa iyahang hinanaling kamatayon.
Upat ka mamumuno nga sakay sa duha ka motorsiklo ang giingung mipusil patay kang Bontuyan.
Samtang, tanang anggulo karon ang ilang gilantaw nga posibleng hinungdan sa motibo sa pagpatay. Matud ni Damuslog nga dili pa sila makahatag og conclusion kung wala pa ang final investigation.
Gihuptan na usab matud pa nila karona ng duha ka mga taxi drivers kinsang witness sa maong panghitabo. Gani basi sa pagsaysay sa usa ka taxi driver diin nahagba ang biktima nga iyang gimanduan ang iyang pasahero nga mga senior citizen nga muhupo aron dili maigo sa bala.
Nasayran nga samtang naghunong ang biktima sakay sa iyang motor sanglit padulong orange pa ang traffic light, dinhi kini gipaulanan og bala.
11 ka bala ang narecover sa crime scene. Narekober usab gikan sa posisyon niini ang 30,000 pesos nga kwarta diin gitoohang gikan kini nagwithdraw.
Sa laing bahin, hilabihang kagool ug pagdangoy-ngoyt ang gibati sa bugtong anak ni Bontuyan nga si Christine Bontuyan kinsang SK Chairman sa Brgy. Talamban sa dihang nasud-ong niini ang dugoon nga lawas sa iyang amahan.
Nawad-an pa kini og umoy dayong sigeng pamulong og “wake up papa, wake up”. (FDP/SBR)
